إبراهيم فايق يوجه رسائل ناريه لجمهور الزمالك بسبب شيكابالا بعد هجومهم ضده

وجه الإعلامي إبراهيم فايق، رسائل ناريه لجمهور الزمالك بسبب هجومهم ضد محمود عبدالرازق شيكابالا، لاعب الفارس الأبيض السابق بعد تصريحاته الأخيرة.

وقال فايق، خلال تصريحات تليفزيونية ببرنامج “الكورة مع فايق”، عبر قناة “mbc مصر2″:” حلقة شيكابالا كانت كاشفه لناس كتير، لان في ناس عندها مشاعر دفينه نحو اللاعب واسطورة الزمالك، والناس انساقت بلا وعي ولامعرفه خلف السوشيال ميديا”.

وتابع: “هل حد شاهد الحلقه كامله الناس مسكت تصريحين الشيشة وانه هيكون سعيد بحصول الزمالك على المركز الثاني، هل حد تابع ان شيكابالا قال تصريحات في منتهئ القوة والاهميه، ومنها مناشدته للرئيس بسبب ارض النادي، وتصريحه ان فريق الزمالك الحالي اقوي من الموسم الماضي”.

وشدد فايق:” ولما شيكابالا قال ان الزمالك افضل حاليا بسبب نظام جون ادوارد، فعلا شيكابالا وحش ويلا نزايد عليه ده مبيحبش الزمالك ومش اسطورة النادي، علشان طلع اسراره ورجل وحش، اللي دعم الصفقات وقال الفينا لاعب مميز احنا مش هناخد التصريحات الكويسه، ولكن هنمسك في الشيشه علشان ده اللي هيكسر، شيكابالا الوحش”.

وأكمل: “وفي ناس قالتله والنبي اقعد في البيت ربي ادم، السوشيال ميديا عمت الناس عن الحقايق ومشوا ورا تصريحين، في حمله معموله على اللاعب من ناس منتمين للزمالك نفسه”.

وأشار فايق:” لو انت حسن النوايا هتقول ان تصريحه بان هيكون سعيد ان الزمالك هياخد المركز الثاني هو واضح وصريح وعاوز يفهم الناس الموضوع صعب وعنده مصداقيه، ولو واحد تاني كويس هيقول علشان اخف الضغط عن الفريق وهو قالها اصلا في الحلقه انا بخف الضغط عن الفريق بتصريحي هاكون سعيد لو اخدنا المركر الثاني”.

وأستأنف: “لوانت حسن النيه هتبقي عندك طرق لفهم التصريحات لكن في 5 او6 قالوا التصريحات ووجهوا الناس”.

وزاد فايق:” قصة الشيشه الرجل بيقول ذكريات من 9 سنين مش سر اوضه اللبس اللي عارف عنها كل حاجه من الموسم الماضي، وللعلم ده مكنش سر في وقتها والناس كانت مصوره اللاعب في وقتها وطلع مسرح”.

وأستطرد: “بركات وسيد معوض قعدوا يضحكوا عن السجاير وللموضوع عدى، ليه مع شيكابالا يحصل كده الرجل مطلعش سر عن الفريق الموسم الماضي”.

وأكمل فايق:” شيكابالا شخصيه نقيه جدا جدا، وماشاهدته هو محاولة اغتيال معنوي لشخصيه لها احترامها، هو ابتدى خطوته الاعلاميه باحترام للجميع جماهير زمالك واهلي وكل الاندية، وارجوا جمهور الزمالك يفهم ان في تربص بشيكابالا”.

وأختتم: “الزمالك محتاج اصوات في الاعلام، ووجود شيكابالا في الاعلام مهم للنادي، زي مافي كوارد اهلاويه، وبقول للجمهور خليكم واعين لان اللي حصل اغتيال معنوي للرجل بتاعكم منكم انتم”.