تصريحات نارية من سيد عبدالحفيظ عن ريبيرو بعد تراجع نتائج الأهلي.. معاه إعلام وجمهور ولعيبه

شن سيد عبدالحفيظ، مدير الكرة السابق بالنادي الأهلي، هجومًا حادًا على البرتغالي خوسيه ريبيرو المدير الفني للفريق، مؤكداً أن المدرب لا يملك أي أعذار بعد تراجع أداء ونتائج الأهلي خلال الفترة الأخيرة.

وقال عبدالحفيظ عبر قناة MBC مصر 2:

> “أي مدرب في العالم لما تسأله عايز إيه، هيقولك عايز لاعيبة، عايز استقرار، عايز جماهير، وعايز مساندة إعلامية.. كل ده موجود في الأهلي”.

وأضاف:

> “الأهلي عنده لاعيبة على أعلى مستوى، وعنده إعلام أهلاوي كبير سواء عبر البرامج أو اليوتيوب، وعنده جماهير بتساند، وحتى الوقت خد وقت طويل.. يعني كل الظروف متاحة”.

وأشار إلى أن المسؤولية تقع بالكامل على المدير الفني:

> “ريبيرو هو اللي يُسأل.. عندك كل حاجة، إيه اللي ناقصك؟ دي إمكانيات مدرب.. قيادة نفسية وفنية وشخصية”.