جدال على الهواء بين سيف زاهر مع الثلاثي الحضري ونادر وسليمان بسبب شوبير !!

شهدت حلقة برنامج أون سبورت مع الإعلامي سيف زاهر مناقشة مثيرة بين عدد من نجوم حراسة المرمى السابقين حول هوية الحارس الأفضل حاليًا في مصر، ومن الأحق بقيادة المنتخب الوطني خلال الفترة المقبلة.

في البداية سأل سيف زاهر:
“مين أكثر حارس في مصر حالياً في قمته؟”

ليجيب عصام الحضري مدرب حراس منتخب مصر الأسبق:
“محمد الشناوي هو الأجهز، وهو اللي لازم يحرس مرمى المنتخب في المباراة القادمة”.

لكن زاهر قاطعه قائلاً:
“أنا مقولتش مين حارس المنتخب، أنا بسأل عن الحارس الأكثر فورمة حالياً في الدوري!”

من جانبه، قال طارق سليمان:
“شايف إن علي لطفي مقدم مباريات جيدة، والزنفلي كمان ظهر بشكل مميز، وكمان محمد علاء حارس الجونة”.

بينما أضاف نادر السيد:
“الهاني سليمان كان كويس برضه”.

لكن زاهر أكد:
“لسه محدش قال اسم حارس رايح المنتخب”.

ليعود طارق سليمان ويؤكد:
“لو الموضوع على المنتخب، زي ما قال الحضري.. هو محمد الشناوي”.

وعن سبب تفضيل الجميع للشناوي على حساب مصطفى شوبير، قال نادر السيد:
“مصطفى حارس كويس لكنه محتاج وقت.. ليه مستعجلين؟ الموضوع مش شخصي”.

الحضري ضرب مثالاً:
“حتى لو شوبير لعب كل مباريات الأهلي لحد كأس الأمم الإفريقية، برضه لازم الشناوي يبدأ مع المنتخب”.

وتدخل نادر السيد قائلاً:
“انتوا ناسيين محمد صبحي، هو بيقدم مستوى جيد جدًا”.

وأكد الحضري:
“أنا شايف إن الشناوي لازم يبدأ الدوري، لكن اللي حصل زوّد الضغط على شوبير بشكل كبير”.