“هل فريق الزمالك الموسم الماضي هو الأسوأ؟ “.. رد حاسم من شيكابالا

.أكد محمود عبدالرازق شيكابالا، أسطورة الزمالك السابق، أن قوام الفريق الموسم الماضي لم يكن هو الأسوأ بدليل حصوله علي بطولات.

وقال شيكابالا في تصريحات تليفزيونية ببرنامج”الكورة مع فايق”،عبر قناة “mbc مصر 2″:” مقدرش أقول اسكواد الموسم اللي فات إنه كان اسوأ اسكواد، لأنه حصل على بطولات”.

وتابع: “أه الفريق لم يكن أجمد لاعبين لكن يمتلك أحسن جمهور مصدقك طول الوقت، الناس جت قبل الكونفدرالية وصدقتك وكسبت وقبل السوبر الإفريقي أمام الأهلي الكل كان بيرشح الأهلي وإنت كسبت، الزمالك دايمًا بتاع المهاويس إحنا بتوع الصعب”.

وشدد شيكابالا:” لو بتقارن اسكواد الزمالك السنه الحالية بالموسم إللي فات، الحاليين أجمد طبعا لحد ما نشوف، أنا بالنسبة لي السنة دي لو الزمالك أنهى الموسم مركز ثاني سأكون سعيد، لأننا بنبني فريق، وأي فريق بيتبني مش مطالب يأخذ كل شيء”.

وأشار: “ما يهمني الآن هو العودة لدوري الأبطال، ده العقل، برشلونة مع تشافي هو إللي عمل كل اللاعيبة دي وفي الأول مأخدش حاجة والفريق بقى جامد بعدها بسنتين، الأول مكنش عندك حاجة في كل مركز ناقص لاعب وإثنين وعندك جماهير بس”.

وواصل:” لازم نرجع لدوري الأبطال وده إللي لازم نحارب عليه، في الطريق لو حصلنا على حاجة يبقى شيء كويس، لكن داخل أوضة اللبس الكلام ده مش هيتقال”.

وأردف شيكابالا: “أنا متكلمتش مع اللاعبين بعد مباراة المقاولون لأن كنت مضايق، المباراة كانت سهلة واحنا كنا فرحانين بعد مباراة سيراميكا زيادة ومحترمناش المقاولون”.

وأتم:” خوان ألفينا أول لما نزل في مباراة المقاولون ظهر إنه بيلعب كرة كويسة من العمق، لكن بعدها بدأنا نلعب عرضيات، طريقة مش بتاعتنا، وكان واضح اللاعبين مش متدربين عليها، وكان ناقص إن عبد الله السعيد يلعب مركز 6″.