رأي صادم من شيكابالا بشأن تجديد عقد حسام عبدالمجيد..ويكشف حديث لأول مرة عن زيزو

أكد محمود عبد الرازق شيكابالا، نجم الزمالك السابق، أن لو حسام عبدالمجيد مدافع الفارس الأبيض رفض تجديد عقده مع النادي فعلى الإدارة الموافقه على بيعه.

وقال شيكابالا ردا على سؤال ما رأيك في ملف تجديد حسام عبد المجيد؟:” الناس بتتكلم معاه على التجديد، لكن لو مش عايز يبقى الزمالك يبيعه ويستفاد منه، ومنكررش غلطة زيزو، حتى لو هيروح الأهلي بعد كده”.

واضاف: ” أنا وعبد الشافي عقدنا جلسه مع الكابتن حسين لبيب وقلت له بيع زيزو وضم صفقات جديدة تقوي الفريق، لأن ده ممكن يأثر على أوضة اللبس، لأنك هتدي لاعب واحد كل الفلوس واحنا أوقات لا نحصل على أموال 3 أو 4 شهور”.

وتابع شيكابالا في تصريحات تليفزيونية ببرنامج” الكورة مع فايق”،عبر قناة” mbc مصر 2″: “أنا قلت كده وجوميز كمان سبق وقال كده وقال للإدارة انا حتى مش عايز حد مكانه، بيعوه واعطوا اللاعبين مستحقاتهم”.

واختتم:” مقدرش أقول سكواد الموسم الماضي إنه كان اسوأ سكواد، لأنه حصل على بطولات، أه الفريق لم يكن أجمد لاعبين لكن يمتلك أحسن جمهور مصدقك طول الوقت، الناس جت قبل الكونفدرالية وصدقتك وكسبت وقبل السوبر الإفريقي أمام الأهلي الكل كان بيرشح الأهلي وإنت كسبت، الزمالك دايمًا بتاع المهاويس إحنا بتوع الصعب”.