“هل شامم ريحة دوري للزمالك هذا الموسم”؟.. رد مثير من طارق السيد

اكد طارق السيد، نجم الزمالك السابق، أن الفارس الأبيض من الوارد ان يفوز بالدوري هذا العام بنسبة 60او 70٪، مشيرا إلى توافر عناصر في الفريق أفضل من الموسم الماضي.

وقال السيد، خلال تصريحات تليفزيونية ببرنامج “الكورة مع فايق”، عبر قناة “mbc مصر 2″:” الفينا عنده شخصية قويه جدا، وعاوزه يهدي في انفعالاته واحتفالاته علشان مياخدش انذارات والزمالك يخسره”.

وردا على سؤال هل شامم ريحة دوري”؟ اجاب:” السنة اللي فاتت باسوء اسكواد للزمالك في حياته كسب بطل افريقيا (بيراميدز) واخد كاس مصر، وكسب بطل افريقيا (الأهلي) السنه اللي قبلها واخد السوبر الافريقي”.

وتابع السيد: “متاح الدوري السنه دي للزمالك، الشكل مختلف انت مكنش عندك بديل الموسم الماضي، الوضع اختلف واصبح عندك بدايل وحلول، اهم حاجه فيريرا يركز جدا في التغييرات”.

وأختتم:” متاح الزمالك يفوز بالدوري بنسبة 60 او70٪، لكن في نقطه مهمة في فرق ان ببني فرقه جديده وانك عندك فريق من سنتين”.