سيف زاهر يحسم الجدل بشأن حقيقة حذف إمام عاشور لصورته “بتيشرت” الأهلي

كشف الإعلامي سيف زاهر، حقيقة ما يثار بشأن حذف إمام عاشور، لاعب الأهلي، صورته بقميص الأحمر من على الحسابات الشخصية الخاصة به.

وقال زاهر، خلال تصريحات تليفزيونية ببرنامج “ملعب أون”، عبر قناة” أون سبورت”: الأمور مستقرة في الأهلي بنسبة 85 % أو 90% في الأهلي”.

واضاف: “الكل حالياً في الأهلي عنده دافع يقدم كل ما عنده من أجل عودة الأهلي إلى مكانة المعتاد”.

و تابع زاهر:” امام عاشور شال صورته مع بنته و حط له صورة شخصية فين الموضوع و فين القصة! وقالوا بيعلن الحرب على الأهلي”.

وأكمل:” امام عاشور عمل ايه معملش حاجه و الناس عملت قصة بدون سبب”.

و أردف زاهر:” تواصلت مع امام عاشور و قالي انا قاصد اشيل الصورة عشان الحسد والعين مش اكتر و انا استحمل عادي لكن بنتي لا ونزل بصورته”.

واختتم:” ولا يقصد بها اي حاجه، فين الموضوع مفيش موضوع ولا خلاف، هو خرج من المستشفى وراح بيته يرتاح 3 اسابيع ويرجع بالسلامة لبيته والاهلي والمنتخب”.