مدرب حراس مصر باكياً: اقتربنا من الحلم الكبير بالتأهل للمونديال
شكرًا لكم على متابعة مدرب حراس مصر باكياً: اقتربنا من الحلم الكبير بالتأهل للمونديال وللمزيد من التفاصيل
لم يتمالك سعفان الصغير، مدرب حراس مرمى منتخب مصر، دموعه بعد التعادل مع بوركينا فاسو واقتراب الفراعنة من التأهل إلى كأس العالم 2026، مؤكدًا أن ما تحقق كان ثمرة مجهود ضخم للجهاز الفني واللاعبين منذ بداية المشوار.
وقال الصغير في تصريحات عقب المباراة وهو يبكي: “الحمد لله ربنا كرمنا وقدرنا نوصل لمرحلة مهمة جدًا وسط ظروف صعبة وجماهير وضغوط كبيرة.
وتابع: “من أول يوم في المعسكر وحتى الوديات كنا شغالين على هدف واحد، وهو إننا نفرح الشعب المصري اللي بقاله سنين مستنا الفرحة دي، يمكن من 2008 و2010 غير وصولنا لكأس العالم 2018“.
وأضاف: “لسه قدامنا ماتشين مهمين جدًا ومفيش حاجة اسمها سهلة في الكرة، لكن إن شاء الله نفرح مصر كلها والتأهل يبقى رسمي من استاد القاهرة. دموع النهارده مش بس فرحة، دي كمان دموع تعب وضغوط وانتقادات كتيرة اتحملت عليها الفترة اللي فاتت، لكن الحمد لله ربنا كرمنا“.
وأشار مدرب الحراس إلى أن الحلم تحقق: “النهاردة مصر كلها قاعدة تتابعنا، منتخبنا في كأس العالم وده حلم كل مصري. كنت أتمنى إن والدي ووالدتي وإخواتي يكونوا موجودين معايا في اللحظة دي، بس أكيد روحهم فرحانة بينا. مبروك للشعب المصري، مبروك للجهاز الفني واتحاد الكرة، وإن شاء الله نكمل قدام جيبوتي ونفرح كلنا من استاد القاهرة بحفلة كبيرة“.
واختتم سعفان الصغير تصريحاته مؤكدًا أن النجاح لم يأت من فراغ: “اللي شغالين في المنتخب كلهم رجالة، من أصغر عامل لحد الجهاز الفني بالكامل. مبروك لمصر كلها وإن شاء الله نكتب تاريخ جديد بكأس العالم”.
المصدر / وكالات
