تعليق قوي من إبراهيم حسن على فوز مصر أمام إثيوبيا.. ويتحدث عن مواجهة بوركينا فاسو

علق إبراهيم حسن، مدير منتخب مصر على الفوز أمام إثيوبيا،ضمن منافسات التصفيات الإفريقية الموهلة لكأس العالم 2026،ومباراة بوركينا فاسو القادمة.

وقال حسن،خلال تصريحات تليفزيونية عبر قناة “أون سبورت”:” فوز مهم جدا جدا وإحنا مكناش عايزين نتكلم إعلاميا قبل مباراة إثيوبيا لأنها مهمة وقبل لقاء بوركينا فاسو”.

وأردف: “فوز بوركينا 6ـ0 على إثيوبيا؟ فوز طبيعي جدا عادي، بوركينا فاسو حاربت انها تلعب مباراة مصر على أرضها ويمكن دي المباراة الوحيدة اللي هيلعبها في أرضه وهم واخدينها تحدي”.

وشدد حسن:” أتمنى نحسم التأهل لكأس العالم في ارض بوركينا فاسو، المهم نوصل لكأس العالم ونفرح الشعب المصري، إحنا موصلناش كأس العالم غير ثلاث مرات بس”.

وأشار:” الناس بتقول التصفيات سهله! لا مش سهله التصفيات صعبه،وبقول للناس اللي بتحاول تعطل اي حاجه، هدفنا نتأهل لكاس العالم، التصفيات قبل كده كانت أسهل لان مكنشي في كم المحترفين ده، دلوقتي كل المنتخبات معاها محترفين”.

وأختتم:” مهم نكسب ونوصل كأس العالم ونفرح الناس كلها’.