رد ناري من شوبير بعد هجوم أحمد حسن والحضري ضده.. “لايهمني عميد ولا دحدورة ولا هعبرك”

علق الإعلامي أحمد شوبير على بيان هاني أبو ريدة رئيس اتحاد الكرة، ورد على هجوم أحمد حسن وعصام الحضري ضده بعد انتقاده لهما.

وقال شوبير،خلال تصريحات تليفزيونية عبر قناة “الأهلي”:”
كلام هاني ابوريده هو نفس كلامي الذي قلته أمس، وحذرت منه، لا تهمني الأسماء ده عميد ده صول ده غفير، ولا يهمني ده أسطورة ده دحدورة، ولا يفرق معي هذا الكلام”.

وتابع:”اللي يهمني منتخب مصر عنده مباراتين يوصلونا كأس العالم، وهذا ما نتمناه، أنا لا يهمني أن البعض لا يتمنى أن نصل حتى يظلوا هم فقط من شاركوا في كأس العالم”.

وشدد شوبير: “أنا شاركت في كأس العالم، وهتجنن علشان مصر توصل كأس العالم مرة وإثنين وعشرة لأنه مهم إذا كنت مصري ومخلص محترم، أو إذا كنت لاعبا قلبك على بلدك ومنتخبك وزمايلك، هذا هو الصح، هذا ما قلته أمس دون ذكر أسماء”..

واضاف:” أسهل حاجه إنك تطلع وتصرخ وتشتم، لكن ليس له داعي، أنا كلامي امس كان شديد الاحترام، قلنا أمامنا أسبوع ونصل لكأس العالم ساندوا الجهاز الفني، وقلت سواء يعجبك أو لا المهم تساند المنتخب والجهاز والمنظومة، خاصة أنك شريك أساسي في هذه المنظومة”.

وأردف: “ما هو الخطأ؟ هو في ناس مش بتعرف تقرأ أو تسمع؟ هل في ناس الجهل عندها لهذه الدرجة؟لما أتكلم عن المنتخب أتكلم بإحترام عن كل المنظومة، ورئيس اتحاد الكرة قال نفس الكلام، هو أنا القط بتاعي جمل، في إيه ياعم هو أنا فاضي هفضل أرد على ده وده! أنا مش هرد على حد، لا بد من التجاهل”.

وواصل شوبير:” وأحاور مين وليه، احنا نتكلم في مصلحة بلد، هو أنا ليا مصلحة، ده إنتوا إللي في المنظومة، وبتحصلوا على مقابل مادي أو لا تحصلوا لا يهمني، أنتم ناس في المنظومة أنا قلت يا جماعة الخير انتظروا أسبوع وبعدين هرزوا براحتكم، ده لو كان هزار، هو إحنا ليه بناكل في بعض، هو إنت مستني أطلع أرد عليك لا ولا هعبرك خالص”.

وإكمل: “أنا سعيد إن الناس عاوزه تروح تدعم منتخب مصر، هل هذا يزعجك؟، إذًا أنت مش مصري ومش مشكلتك إنت خالص، أنا معنديش صراع مع حد، عندي مصلحة منتخب مصر وكيف نسانده بقيادة جهازه الفني، هذا دورنا، ما الخطأ الذي قلناه”.

وأستأنف شوبير:” أنتوا عاملين زي إللي بيقول وكمان بتقولي صباح الخير، لا يعم خلاص مفيش لا صباح الخير ولا مساء الخير ولا حتى تصبح على خير، لكن عايز تجرنا لخناقة ومعركة ليه؟، لا تتحلوا كلمة ليه؟ إيه إللي حصلنا وإيه كم التربص ده؟ ده إنتم في المنظومة والمفترض أكثر ناس تساعدوا وتستفيدون”.

وزاد شوبير: “لكن تطلع وتقول الفتنة واللحمة والمكرونة، في إيه صلوا على النبي، واهدوا شوية، صعبان عليكم تساندوا المنتخب لمدة أسبوع، إيه الأسلوب الغريب ده وإيه جر الشكل ده، قسمًا بالله لا هرد عليك ولا عليه أنا ماشي في سكتي وأقول ما أراه ومش بعرف أتغير”.
.
وأختتم:” يا جماعة حبوا البلد لمدة 6 ايام لبعد مباراتي إثيوبيا وبوركينا فاسو وبعدين اعملوا إللي عايزنيه لكن التجاهل بالنسبة لهؤلاء أحسن حاجة”.