ميدو يكشف سر إخفاق تجربه جون إدوارد رغم ترشيحه لها والفارق بين الزمالك والأهلي!!

تحدث الكابتن أحمد حسام ميدو، نجم الزمالك السابق والمحلل الرياضي، عن الفارق الكبير بين إمكانيات الأهلي والزمالك في ملف التعاقد مع المدربين الأجانب، مؤكدًا أن الفوارق المادية تفرض على القلعة البيضاء اللجوء أحيانًا إلى المغامرة.

وقال ميدو خلال ظهوره عبر برنامجه “أوضة اللبس” على قناة النهار: “لازم نفرق بين الزمالك والأهلي.. الأهلي عنده أريحية في اختيار المدرب لأنه يمتلك ميزانية ممكن توصل لـ200 ألف يورو شهريًا، بعكس الزمالك اللي البادجت بتاعه قليل جدًا”.

وتابع: “الأهلي يقدر يجيب أسماء كبيرة بسهولة.. لكن الزمالك أحيانًا يعمل ريسك على مدرب أجنبي بسبب الأمور المالية ومش بيقدر يجيب اسم كبير”.

وأضاف: “الحل أمام الزمالك إن يا إما يجيب مدرب اسم كبير الكرف بتاعه نزل وعايز يثبت نفسه في مكان مهم، يا إما يخاطر بمدرب صغير عنده أفكار جديدة وفلوس قليلة زي ما حصل مع جوميز”.

وأوضح: “اللي أنا شايفه إن الزمالك بيحاول يستنسخ نسخة جوميز مع يانيك فيريرا.. لكن جوميز من أول مباراة بعيدًا عن النتيجة كنت هتعرف إنه هينجح وعنده فكر ورؤية”.

وأكد ميدو: “أكثر حاجة زعلتني في الزمالك خلال السنوات الأخيرة هي رحيل جوميز لأن النادي معرفش يعوضه، أما يانيك فيريرا لازم الناس اللي حواليه تدعمه وتنصحه النصيحة الصح”. واختتم: “كنت أتمنى وجود Technical Director مع جون إدوارد عشان يساعده ينجح.. جون لو معاه Technical Director هيكسر الدنيا لأنه عنده أفكار كتيرة، لكن إيده مربوطة بالعوامل المالية وظروف خارجة عن إرادته”.