فيريرا يوضح ماقاله للاعبي الزمالك بين شوطي مباراة دجلة

كشف البلجيكي يانيك فيريرا، المدير الفني للزمالك، كواليس حواره مع لاعبي الفريق، بين شوطين مباراة دجلة التي إقيمت اليوم، في إطار منافسات بطولة الدوري المصري الممتاز.

وخسر الزمالك من نظيره وادي دجلة بنتيجة هدفين مقابل هدف، ضمن مواجهات الجولة الخامسة من بطولة الدوري.

وقال فيريرا، خلال المؤتمر الصحفي عقب المباراة: “مبروك لوادي دجله، فوز مستحق لهم الحقيقة، وقدروا يرجعوا”.

وأردف:” احنا لعبنا قدام فريق منظم وكويس جدا جدا، ممكن دي ميبنشي للناس وتقول إنه فريق طالع من الدرجه الثانيه لكنه فريق منظم وقوي، ده مش مبرر اكيد لخسارة الزمالك”.

وأشار فيريرا: “اللعيبه اللي ملعبتش زي حمدي ومحمد السيد ولعبوا النهارده؟، مكنوش بيادوا كويس قبل كده”.

وأتم:” انا مكنشي عجبني الأداء اللي اتقدم في الشوط الأول ولكن مش ده السبب اللي خلاني اسيب الملعب قبل نهايه الوقت، وقولت بين الشوطين للاعبين أن رغم تقدمنا في النتيجة لكن وادي دجله خطير ويقدر يسجل ويرجع “.