طارق يحيي يطلق تصريحات ناريه بعد تعيين ايمن الرمادي مديرا فنيا للزمالك

أثار تعيين أيمن الرمادي مديرًا فنيًا جديدًا لنادي الزمالك ردود فعل واسعة داخل البيت الأبيض، حيث وصف طارق يحيى نجم الزمالك الأسبق القرار بأنه “اغتيال معنوي لكل مدربي النادي عبر التاريخ”، مؤكدًا أن الزمالك يمتلك من الكوادر ما يكفي لقيادة الفريق دون الحاجة للاستعانة بمدربين من خارج النادي.

وفي تصريحات نارية عبر برنامج “لعبة والتانية” مع الإعلامي كريم رمزي على راديو ميجا إف إم، قال طارق يحيى:
“هل لو الأهلي في نفس الظروف كان هيعيّن الرمادي؟ بالتأكيد لا.. والقرار إهانة للمدربين اللي خدموا الزمالك بكل إخلاص”.

وتابع:
“الزمالك كان بحاجة لحل أزماته الفنية والإدارية مش تغيير مدرب كل شوية. بيسيرو مجاش شهرين، ومفيش خطة واضحة.. إحنا بقينا نعيش في فيلم هندي!”.

وأضاف:
“مش ضد الرمادي كشخص، لكن ضد تجاهل أبناء الزمالك زي حلمي طولان، حسن شحاتة، عبد الحميد بسيوني، وغيرهم. ده مش بس قرار فني، ده قرار ضد تاريخ نادي كبير”.

واختتم:
“أنا بتكلم كأحد أبناء النادي ومش محسوب على حد.. القرار صعب يتقبله أي زملكاوي حر، ومفيش حد هيقدر يعبر الأزمة دي غير أبناء النادي”.