محمد نصر يهاجم مدافع الأهلي: “مش نيستا ولا راموس علشان تتشرط!”

أثار محمد نصر، مخرج نادي الأهلي، جدلاً واسعًا بعد منشور عبر حسابه الشخصي وجّه فيه انتقادات لمدافع الفريق رامي ربيعة، على خلفية مطالب اللاعب بعقد مالي كبير لا يتناسب مع مستواه الحالي – على حد وصفه.

وقال نصر في منشوره:”يا كابتن رامي ربيعة، لك كل الاحترام لشخصك ولما قدمته للأهلي من بطولات ومساهمات، لكن خلينا واقعيين… أنت مش نيستا ولا كانافارو ولا راموس ولا حتى فان دايك علشان تتشرط على النادي وتطلب عقد عالي لا يتناسب مع إمكانياتك دلوقتي.”

وأضاف مخرج الأهلي:”أنت لسه عامل ضربة جزاء كوميدية في ماتش بتروجت، ومتنساش نومة ضربة الجزاء في السوبر أمام الزمالك اللي ضيعت البطولة. تقول الحمد لله على اللي يتعرض عليك؟! ده لو أنا المفاوض، هقولك ده اللي عندي يا كابتن. قدامك 3 ساعات، صلّي، استخير، وردّ.”

وأكد محمد نصر أن التقدير المادي لأي لاعب يجب أن يكون على قدر عطائه داخل الملعب، مشيرًا إلى أن التقدم في السن يتطلب قناعة ورضا بما يُعرض.