عماد متعب: الثقة بين جمهور الأهلي وريبيرو انتهت «مينفعش يتعمل كده»

يرى عماد متعب نجم الأهلي أن الثقة بين جمهور الأهلي وخوسيه ريبيرو انتهت بعد خسارة الفريق أمام بيراميدز بثنائية في بطولة الدوري.

وأوضح متعب ف تصريحات عبر الأستوديو التحليلي لأون سبورت: “في أوقات بابقى عاجز عن الكلام، اللي حاصل صعب جدا، فنيات وارد انك مش موفق كلعيب ووارد تخسر مباراة لكن الجدعنة والرجولة الإلتزام والضغط دي حاجات مالهاش حاجة بالفنيات”.

وأضاف متعب: “ريبيرو مسك الأهلي في كأس العالم للأندية قولنا لسه جاي، راح معسكره في تونس، اشك انه عارف امكانيات لاعبي الأهلي مش عارف التوظيف الأمثل للاعيبة”.

وأشار نجم الأهلي: “أول مباراتين لعب بمصطفى شوبير وبعد كده الشناوي، وأول مباراة ملعبش بديانج وبن شرقي وغيرهم بعد كده ، ده معناه انه مش عارف اللاعيبة ولسه بيجرب ، اني احط اشرف بن شرقي في اليمين وتريزيجيه في الشمال وزيزو في الوسط كده مش عارف امكانيات اللاعيبة”

واختتم متعب تصريحاته: ” الأهلي النهارده ولا ضغط ، مفيش ضغط خالص، في كرة في الشوط الأول الدقيقة 14، لما اضغط على الكرة أبقى راجل وابين اللي قدامي ان مش سهل تعدي مني، مينفعش الأهلي يتعمل فيه كده، مينفعش الأهلي ميعرفش يضغط ولا يعرف يطلع بالكرة، واللاعيبة ما بتتحركش وتقيله حتى لما بتجيلك فرص بتضيعها واحدة لشريف وديانج في الشوط الأول لما تجيبلك فرصة تستغلها”.