عمرو أديب يفتح النار بشراسة ضد مرتضى منصور بسبب بلاغه لسحب أرض الزمالك

فتح الإعلامي عمرو أديب النار، على مرتضى منصور رئيس الزمالك السابق، بسبب بلاغه لسحب ارض النادي في السادس من أكتوبر”.

وقال أديب،في تصريحات تليفزيونية ببرنامج “الحكاية”،عبر قناة “mbc مصر”:” مجلس الزمالك وارث تركه تقيله وديون مجلس جاء بعد مجلس مرتضى منصور، اللي اتسبب في ديون وكوارث ولعيبة كسر، هيموت الرجل والغل واكله، انت وعيالك دمرتوا النادي يامرتضى انا مبخافش منك، لازم كل زملكاوي يعرف مين بيكره النادي، هو حس انه معزول في سنة واحده احنا لبسناه الطرح ومصر اتخلصت منه وعياله”.

وتابع: “اتفرجوا على بيانه القذر بيرد على بيان الزمالك، مرتضى منصور فكره غلط وابتزاز ولازم ينتهي من مصر، هو اللي قدم البلاغ وبسببه اتسحبت الأرض، هو ودانا في داهيه وخان النادي، وسكينه في ضهر الزمالك كانوا بيستخدموه زمان ودلوقتي محدش عاوزه، بيطلع كل يوم بيقول للدوله انها زورت الانتخابات مين بيسند مرتضى هو اقوى من الزمالك؟ “.

واضاف أديب:” من امتي بتمسح بالورق ده يامرتضى، ده حد توقفوا الارض علشانه، واحد زي ده مين وراه، ارجو الامر يكون واضح، لا ادافع عن نادي انا ادافع عن مؤسسه رياضيه في البلد وكل الاستثمارات فيه قيمه مضافه لمصر مثله مثل الاهلي”.

وشدد:” نحن لاتوجد ملكيه خاصه بل الزمالك ملكيه للدوله اريد عدم وجود بلطجه وان النادي الكبير يستمر وعندي امل في حكمة ورشد الجهات المسئوله في مصر ونتخلص من الابتزاز والطريقه المبتذله ومصر دوله قانون ولادوله ابتذال او ابتزاز “.

وواصل أديب:” ماصدقنا خلصنا من اهله، مصر كلها اتنفست لما مشي مرتضى منصور، وبيهرتل من شهور ومحدش بيعبره دعوه يموت في صمت تجاهل لا يساوي شيئا هيموت مش موجود صفر صفر، مرتضى منصور لازم ينتهي وأنا مش بخاف منك، ولايساوي الورق اللي بيكتب عليه ولايهمني بنكله وقلة الادب ولاتدخل عليه بنكله”.