شوبير يفتح النار على مسؤولي الأهلي.. تصريحات نارية

فتح أحمد شوبير النار على مسؤولي النادي الأهلي في ظل ما يحدث من أمور غير مستقرة وجدل مستمر في عدة اتجاهات داخل النادي.

وقال شوبير في تصريحات إذاعية: كلام كثير عن النادي الأهلي الفترة دي وطبعا النتائج هى اللي وصلت الأمور لكده لإنه حتى لو كانت هناك بعض الأخطاء فالفوز لا يظهرها.

وتابع: الاهلي معروف طول عمره أخطاؤه الإدارية قليلة جدا لكن مع الخسائر والموسم اللي مش جيد للفريق بدأت النظرة تتغير والناس تختلق أخبار وقصص لا أساس لها من الصحة يعني باختصار بقت التربة خصبة للحاجات دي”.

وأضاف: كنا بنتحسد في الأهلي دائما بإنهم يقولوا لك الاهلي قافل على نفسه، دلوقتي الأبواب مفتوحة على البحري مين السبب في هذا الأمر..؟، هل محاولة إرضاء بعض الزملاء على حساب زملاء آخرين؟ جايز، هل الثقة المفرطة؟ جايز، هل سوء التقدير؟ برضه جايز”.

واختتم: “بس الأهلي فقد ميزة إن الباب بتاعه كان عمره ما بيتفتح ومتعرفش تاخد سر ولا معلومة دلوقتي للأسف الأمور تغيرت وحتى السياسة داخل النادي تغيرت ومينفهعش الدينا تمشي بالشكل ده، واللي كنت بتتحسد عليه أصبح نقطة ضعف عندك”.