لو الزمالك أنهى الدوري في هذا المركر سأكون سعيد.. ويؤكد “لو دربت الأبيض هيحاربوني”!!

أكد محمود عبد الرازق شيكابالا،لاعب الزمالك السابق، إنه سيكون سعيد إذا أنهى الفارس الأبيض الدوري هذا الموسم في المركز الثاني،مشددا على انه سيتم محاربته اذا درب الزمالك.

وقال شيكابالا في تصريحات متلفزة عبر قناة “mbc مصر2″:” قوام فريق الزمالك الحالي أجمد طبعا من الموسم الماضي، لحد ما نشوف، أنا بالنسبة لي لو الزمالك أنهى الموسم ده مركز ثاني سأكون سعيد، لأننا بنبني فريق، وأي فريق بيتبني مش مطالب يأخذ كل شيء”.

وأردف:” ما يهمني الآن هو العودة لدوري أبطال إفريقيا، ده العقل، برشلونة مع تشافي هو إللي عمل كل اللاعيبة وفي الأول مأخدش حاجة، والفريق بقى جامد بعدها بسنتين، الأول مكنش عندك حاجة في كل مركز ناقص لاعب وإثنين وعندك جماهير بس”.

وشدد شيكابالا: “لازم الزمالك يرجع لدوري الأبطال، ولازم نحارب عليه، في الطريق لو حصلنا على حاجة يبقى شيء كويس، لكن داخل أوضة اللبس الكلام ده مش هيتقال”.

وأشار ردا على سؤال لماذا لم يفكر في التدريب؟:” أنا عايز أكون مدرب، لكن عارف ده هياخد مني وقت، عايز أدرب الزمالك لكن الناس مش هتسبني اشتغل، هتحاربك كأنك عدو، عندي ظهير جماهيري أه، لكن داخل النادي لا، معنديش ظهير ولا رصيد”.

وواصل شيكابالا:” عشت مع ناس كانت بتبعت لصحفيين حاجات انا معملتهاش، وانا مكنتش بسكت على أي حاجة.
إللي تعلمته في الكورة إني طالما أنا معملتش حاجة يبقى قول زي ما تقول، طالما الجماهير عارفه إن معملتش كده لأنهم عارفين إني مع مصلحة النادي، لكن إني أمشي مدرب أمشيه ليه، وبعدين المفروض لما تلاقي لاعب الناس بتحبه تستخدمه مش تهد فيه”.

وردا على سؤال من مصلحته يهد فيك؟ أجاب شيكابالا: “3 في ناس بيبقى عندهم نقص في حته فكانوا بيشوهوا صورتي لكن انا كنت بعتمد على إن الجمهور بيحبني ومش هيصدق، ومع الوقت ربنا كان بيجبلي حقي، لو حد كان أخد رأيي في موضوع تجديد لاعبين أو غيره كنت بقول رأيي، لكن غير كده لا أتكلم”.