سيف زاهر يوضح كواليس جديدة بشأن حوار محمد هاني مع الحكم محمد معروف

كشف الإعلامي سيف زاهر، كواليس حوار محمد هاني، لاعب الأهلي مع محمد معروف حكم مباراة الأحمر أمام فاركو الأخيره في الدوري.

وقال زاهر، خلال تصريحات تليفزيونية ببرنامج “ملعب أون”، عبر قناة “أون سبورت”:” قابلت محمد هاني وسألته عن حواره مع محمد معروف ومادار بينهم “.

وتابع:”هاني قالي حصل فاول في البدايه كان فاول جامد علي هاني فقال للكابتن معروف حضرتك شايف دي فاول راح طلع له انذار، هاني الكابتن كان متنرفز ومتعصب”.

وشدد زاهر:” هاني قال ان ساعة الهدف كان في فاول له وقال لمعروف في فاول ليا راح طلع انذار، وراح قال للحكم انت بتكلمني ليه كده ومتعصب؟ معروف قاله انا عرباوي وقاله انا مالي بتكلمني ليه كده ومعروف قاله المره الجايه طرد’”.

وواصل على لسان محمد هاني:” لحظة التغيير كل اللعيبه طلعت من نفس المكان ومكنتش بضيع وقت كنت بجري الكابتن معروف جه وقالي الطلوع من هنا وقولتله طالع علشان اسلم على زميلي وكل اللعيبه طلعوا من هنا فراح طلع كارت احمر”.

واردف زاهر:” هاني قال حسيت ان بحلم وبعد كده وقفت دقيقه ومطلعش من بوقي لكابتن معروف اي كلام ولاخير ولاشر،الحكم كان متعصب “.

وأختتم:” هاني لا استنى معروف بعد الماتش ولا كلمه والوحيد اللي اتكلم معه كان محمد يوسف، وده ما حصل وفقا لمحمد هاني ، هاني مؤدب جدا جدا وهو بيكلمني مطلعش منه سطر ضد معروف اللي قاله بس هو كان متعصب”.