محمد صبحي يوجه رسالة غامضة: «قلوب كتير حوالينا ماليها الحقد والغل»

وجه محمد صبحي، حارس مرمى الفريق الأول لكرة القدم بنادي الزمالك، رسالة غامضة، اليوم الاثنين.

وكتب محمد صبحي، حارس مرمى نادي الزمالك، عبر حسابه الشخصي على موقع التواصل الاجتماعي «إنستجرام»، اليوم الاثنين: «متستغربش لما تلاقي حد كارهك وأنت معملتش معاه أي حاجة وحشة».

وأضاف صبحي: «ولا تتصدم لما تعمل الخير مع حد ويردوهلك في الآخر أذية، نفوس الناس مش زي بعضها وفي قلوب كتير حوالينا ماليها الحقد والغل، ومش كل الناس هتحبك وتتمنى لك الخير».

وتابع: «مهما قدمتلهم حاجات حلوة، مهما كان قلبك أبيض وبيحب الخير للكل، هتتشاف وحش في عيون ناس كتير، مهما كانت تصرفاتك تلقائية وطبيعية».

وأردف: «ناس هتشوفها مقصودة ومدروسة، حتى جدعنتك اللي بالفطرة هتتحسب منظرة وحب للظهور».

وواصل حارس الزمالك: «مش كل الناس هتحب تعرفك على حقيقتك، ولا كل الناس هتشوفك زي ما أنت، ناس كتير جدا بيشوفوك بطباعهم وسواد قلوبهم، بقينا في زمن العجايب فتوقع الغير متوقع».

واختتم: «امشي زي ما أنت وزي ما اتربيت ومتستناش خير من حد، واياك تعافر عشان تثبت لحد إنك كويس، مش مهم أبدا تكون عند الناس إيه، ولا هما باصينلك إزاي، لينا رب هو اللي عارفنا، وشايف قلوبنا، وعارف نوايانا، وهو ده بس المهم، مش البشر أبدا».