ميدو مهاجما يانيك فيريرا: بلاش فتي.. الزمالك أقوى دفاعيا من الأهلي وبيراميدز

شنّ أحمد حسام ميدو، عضو لجنة التخطيط السابق بنادي الزمالك انتقادًا قويًا ليانيك فيريرا، المدير الفني للفريق الأول بالأبيض، مُشيرًا إلى أن الفريق أقوى من الأهلي وبيراميدز في خط الدفاع.

وكتب أحمد حسام ميدو عبر حسابه على موقع التواصل الاجتماعي تويتر: “أي مدرب يبدأ بدونجا في تشكيل الزمالك تعرف انه مدرب مابيعرفش يقيم اللاعيبه كويس.. أي مدرب يبدأ بناصر ماهر ظهير أيمن بالذات بعد ماتش سيراميكا كليوباترا تعرف انه مش عايش معانا”.

وأضاف: “أحمل ضياع نقطتين مهمين جدا لمدرب الزمالك، وبصراحة كلمة فيريرا مش قادر أنطقها.. خسارة عدم استغلال الانطلاقة الجيدة للفريق أمام سيراميكا كليوباترا”.

وتابع: “الدوري لسه طويل بس منافسين الزمالك شرسين، وما بيضيعوش نقاط بسهولة، والموسم ده مش محتاج أخطاء زي الأخطاء اللي حصلت امبارح.. العب بتشكيل صح وبلاش فتي”.

وأكمل: “الزمالك عنده فريق محترم وجاب لاعيبه كويسة، وكل المشاكل اللي كانت بتواجه الفريق بره الملعب، وكانت مأثره علينا بشكل كبير معظمها اتحل”.

وواصل: “رأيي ان الزمالك أفضل دفاعيا من الأهلي ومن بيراميدز ودلوقتي الفريق عنده دكة كويسة بس لازم نلعب بأحسن 11 ويتثبتوا لازم نلعب بصبحي وعمر والونش وحسام وبنتايج وشحاتة وآدم كايد وناصر ماهر وشيكو بانزا وألفينا وعدي الدباغ وعبد الله يلعب آخر نص ساعة”.

وأتم أحمد حسام ميدو تصريحاته قائلًا: “مفيش إلا ماتشين الأهلي ومانشيت بيراميدز بس اللي ممكن تلاعب شحاته 8 فيهم غير كده مع احترامي لكل فرق الدوري مفيش ولا فرقة عندها اللاعيبة يعني اللي تخليك تلعب بدونجا وشحاتة مع بعض في نص الملعب”.