تعليق مفاجئ من علي ماهر على خسارة سيراميكا امام الأهلي.. ويشيد بتريزيجيه!!

علق علي ماهر المدير الفني لنادي سيراميكا كليوباترا، على خسارة فريقه من الأهلي، اليوم ضمن منافسات الجولة السابعة من الدوري المصري الممتاز.

وقال ماهر في تصريحات صحفية عقب المباراة: مبروك للأهلي، كنا بنلاعب فريق كبير، دايما لما نلعب قدام الأحمر تبقى عندنا مشكلة أو ضغوط، وكنا نستطيع تسجيل هدف”.

واضاف: “مش هتكلم على ضربة جزاء، في النهاية يتلاعب فريق كبير، لاعبو سيراميكا بذلوا مجهود كبير، والفريق مكنش كويس في الشوط الأول، والشوط الثاني بدأنا نرجع وعملنا أكتر من كورة كنا نقدر تستغلها”.

وشدد ماهر:” مينفعش تهاجم الأهلي، والفرق التانية دايما بتدافع أمامه، لكن إحنا هاجمنا، وبقول هارد لك لينا، كنا بنلعب تحت ضغط استقبلنا هدف، وبعدها قدرنا نرجع للمباراة، وظهرنا بشكل كويس، والناس فاكره كل حاجة سهلة، بس الأهلي باللاعبين دي كلها ما قدرش يجيب غير جول واحد”.

وتابع: “دائما بحاول أوجد حلول، ونشتغل على عقلية اللاعبين، بس في النهاية شخصية اللاعبين مهمة جدا، وعندي لاعبيه مميزه رحلت، مثل بوبو وقندوسي، وبنحاول نقدر نتعامل مع اللاعبين الحاليين، ولدينا وقت من أجل التحسين لدينا عمرو السولية تأقلم”.

واشار ماهر:’عمري ما حسيت أن الماتش راح من ايدي، طول الوقت بتبقي شغال في الملعب، وإهدار الفرص بتكون أصعب حاجة تمر على المدرب، كرة كريم نيدفيد كانت ممكن تكون جول لكن مكنش في توفيق”.

وأختتم: تريزيجيه لاعب كبير وأتمنى أن الجماهير ما يكونش قاسية عليه، وكان أفضل لاعب في ماتش إنبي، ولا نطبطب على اللاعبين”.