محمد عمارة يصدم مهيب عبدالهادي ويفتح النار على زيزو وريبيرو في الأهلي..

تحدث الإعلامي مهيب عبدالهادي خلال برنامجه اللعيب على قناة MBC مصر عن مستوى أحمد سيد “زيزو” مع الأهلي، مقارنًا إياه بما كان يقدمه مع الزمالك، حيث فتح النقاش مع محمد عمارة نجم الأهلي السابق.

وقال مهيب عبدالهادي: “رأيك في خوان ألفينا ومقارنته بزيزو؟”، ليرد محمد عمارة: “موضوع زيزو محيرني في الأهلي.. الأهلي جابه على أساس إنه لاعب مميز واتدفع فيه رقم كبير، لكن حتى الآن مش هو زيزو اللي كنا بنشوفه في الزمالك وهو مؤثر.”

وأضاف عمارة: “زيزو في الزمالك كان الفريق كله بيخدم عليه، وكان مميز جدًا في الكرات الثابتة وبيعرف يستغلها، وكان دايمًا ظاهر.. لكن في الأهلي الوضع مختلف، لازم يساعد نفسه بنفسه لأنه بيقوم بأدوار كتير جدًا، وأنا لحد دلوقتي مش شايفه بنفس الصورة.”

ورد مهيب عبدالهادي مؤكدًا: “ما هو لاعب مميز!!”، لكن عمارة أوضح: “مش زيزو بس اللي مش ظاهر.. في لاعيبة كتير. توظيف لاعيبة الأهلي مش كويس والمدرب لازم يراجع نفسه، لأنه لا بيعرف يحط تشكيل ولا يلعب.. كل ماتش لازم زيزو ولازم تريزيجيه.”

وأشار نجم الأهلي السابق إلى أن أزمة الفريق لا تتعلق بلاعب بعينه وإنما بطريقة الإدارة الفنية: “أنا فريق المحلة مع كامل احترامي ليه، معرفش فيهم ولا لاعب لكن عملوا جيم كبير جدًا على الأهلي.. الأهلي بالتيم ده المفروض ينزل يكسب 3 أو 4 مش يتعادل.. المدرب عنده أخطاء كثيرة جدًا.”

واختتم عمارة بأن الأهلي يمتلك مجموعة قوية من اللاعبين لكن سوء التوظيف الفني وعدم وضوح الأفكار التكتيكية للجهاز الفني هو السبب في تراجع الأداء والنتائج مؤخرًا.