“تلاعب في الدوري!”.. أحمد سالم يهاجم الرابطة ويتهمها بالتمييز

شن الإعلامي أحمد سالم هجومًا لاذعًا على رابطة الأندية المصرية عبر قناة “الشمس”، بسبب ما وصفه بـ”التلاعب في قرارات مصيرية تمس نزاهة الدوري”، مطالبًا بتفسير واضح حول مصير خصم الثلاث نقاط من النادي الأهلي، والذي تم الإعلان عنه سابقًا ثم التراجع عنه بشكل مفاجئ.

وقال سالم: “يا رابطة الأندية، جمهور الزمالك بيسأل.. فين الثلاث نقاط؟ القرار اتاخد وفقًا للائحة أنتم اللي وضعتوها، وطلع رسمي منكم. بعدها بأيام لقيناكم بتقولوا لأ، هنستنى قرار لجنة! لجنة إيه؟ وإزاي يتبدل قرار إداري فجأة؟ فين محضر الجلسة؟ فين الحيثيات؟ مفيش أي حاجة!”

وتساءل سالم عن تفسير وجود “ظرف قهري” قيل إنه السبب وراء إلغاء الخصم، متسائلًا بسخرية: “هو الظرف القهري ده نزل فجأة بعد ما صدر القرار؟ ليه ما قلتمش كده من الأول؟ ليه فجأة الرابطة اكتشفت وجود بند الظروف القهرية؟”.

وأشار إلى أن القرار أصبح يثير غضب الجماهير ويزيد من حالة الاحتقان، مضيفًا: “ده مش بس بيأثر على شكل المنافسة، ده بيكسر ثقة الجمهور في العدالة. فيه ناس على باب الله، بتعيش على فرحة فريقها، وقرارات زي دي ممكن تقهرهم حرفيًا”.

وأكد سالم أن جماهير الزمالك لن تصمت، لأن المشهد “يثير الدهشة”، مضيفًا: “الناس بدأت تقول إن الرابطة بتنتظر تشوف ترتيب الدوري الأول وبعدين تشوف هتخصم لمين. ده كلام خطير، ولازم يترد عليه”.

وطالب أحمد سالم الرابطة إما بالتراجع عن قرار التجميد وإعادة خصم النقاط، أو إصدار لجنة التظلمات قرارًا رسميًا وعادلًا يحسم الجدل، قبل أن يُفسَّر التأخير بأنه انحياز لنادٍ بعينه، ويهز الثقة في نزاهة منظومة الكرة المصرية.