لن أشجعه في أي بطولة قارية.. «عبدالملك» يكشف أسرار مفاوضات الأهلي والفترة الأصعب في مسيرته بالزمالك

أكد أحمد عيد عبد الملك، أنه لن يشجع الأهلي في أي بطولة قارية بسبب انتمائه الشديد للزمالك.

وقال عيد عبد الملك في تصريحات مع سهام صالح لبرنامج “الكلاسيكو”: «أنا عمري ما هشجع الأهلي مهما كان بيلعب فين، وده طبيعي عشان أنا زملكاوي، والعكس صحيح؛ لو أي واحد أهلاوي هيقولك إنّي عمري ما أحب الزمالك يكسب».

وأضاف: «أنا في 2005 قلت معنديش مشكلة اللعب في الأهلي، ومن 2005 لحد 2013 كان الأهلي بيتفاوض معايا وأنا مروحتش».

وتابع: «في 2006 بعد نهائي إفريقيا برضه الأهلي كان عاوز يقعد معايا، وأنا مروحتش برضه، عمري ما أمضيت في أي نادي إلا بعد موافقة الحرس الحدود، كنت بحترمه».

وواصل: «الأهلي كلمني أكتر من خمس مرات.. في 2013 كان عليّ عرض جالي وكنت هبقى فئة أولى، وكانوا عاوزين أجي بدل أبو تريكه اللي كان هيعتزل».

وأكمل: «أصعب موقف في الزمالك كان وأنا ماشي من النادي.. وزعلت وأنا ماشي، كنت عاوز أكلم الإدارة، هي اللي مشتني لأنهم كانوا شايفين إنّي كبير في السن، مع أن فيريرا كان قايلهم أحمد عيد ميمشيش، وأكتر لاعب متكامل هو حسن شحاتة».